我和老友 Mimi 籌備經年嘅專輯「不捨不棄」即將出版了，所以近日忙於宣傳嘅工作。昨日我地就去咗貝沙灣做咗個「天使心」嘅訪問。

編輯話我地張CD Poster 好似「那些年」嘅 feel，所以今次訪問嘅主題都係「那些年我們一起音樂事奉的日子」....? ! hahahah! 攝影師 Ken 更超級好心機地同我和 Mimi 影咗好多相，差不多仲勁過我地自己拍CD封面相呢!! 唔知今次出嚟嘅效果如何呢? 又係「那些年」?!?! 

我同 Mimi 真係「籌備經年」嘅最新專輯「不捨不棄」好快就會面世啦！剛剛印好呢張咁靚嘅 Poster！我最鍾意嘅藍天碧海... 仲有啲「那些年」feel 𠻹！hahah! 

若果一切順利，應該會喺今個月尾大約廿號左右出版喇！終於趕到喺聖誕節前推出！真係今年聖誕禮物嘅首選！hahahaha! 

因為想等埋我同 Mimi 最新專輯嘅相和CD 封面設計出喇，所以忍咗手好耐，而加終於可以 promote 吓我地呢個「全因為在乎。袮」音樂分享會啦...!

啱啱個 Sat 我地終於錄埋最後一首歌，亦即係我同 Mimi 嘅新專輯內嘅「點題歌」... 「不捨不棄」！

本嚟係我幾年前去 Toronto 分享見証時認識嘅樂隊 Whitebase 幫我作嘅一首歌，但係我覺得既然同 Mimi 籌備緊合唱專輯，點解唔用嚟合唱呢...!? 

呢排有幾位朋友send message 俾我，話喺啲巴士度睇到我嘅宣傳廣告!!? 我初時都唔係好明，因為我公司同埋自己就冇落過巴士廣告wor!? 原來係「恩雨之聲」為咗宣傳佢地新一輯電視見証特輯，喺好多巴士坐椅背用咗我嗰集見証嚟賣廣告呢!!!

上星期四我攪咗個 TSL|謝瑞麟秋冬季新品發報會，我邀請咗兩個都係我「兒時嘅偶像」做嘉賓！

第一個就係玉女掌門人，到今時今日都仲係咁年青咁靚嘅周慧敏！  佢戴起我地最新嘅 grand piece 真係好高貴大方呀....!

第二個係唱冧歌冇得揮嘅蘇永康！我喺 karaoke必定會唱佢嘅歌㗎！雖然佢唔係咩偶像派歌手，但係佢真係好鍾意打扮，每次出場都「珠光寶氣」㗎！

我同音樂老友 Mimi 鄧婉玲合作籌備嘅新專輯臨緊尾聲了，還有一首歌就錄起喇。昨天我地就去咗西貢拍攝封面相和插圖照片了！

多得專業攝影師 Leo，佢助手亞軍，負責設計嘅 Michael，同埋幫我和 Mimi 化妝嘅 Icey 辛苦咗一整天，超過13個鐘嘅拍攝順利完成! 但係最緊要係要感謝我地嘅上帝，因為前幾天一直都落著雨，令我地都幾擔心，但係昨天竟然全日都陽光普照，仲見藍天白雲𠻹!!! 

呢幾日見到啲朋友佢地都不約而同咁話:「呢排成日見到你上報 wor! 我檯頭仲放咗上一期你做封面嗰份 Recruit 啊！」 (另文 封面人物)

今次輪到九月號「亞洲珠寶」雜誌嘅專訪... 

上星期五好多朋友話見到我呢個訪問 ... 就係我喺 Recruit 做咗個封面人物嘅專訪! 我Post 咗喺 Facebook 後, 竟然有成六十幾個 Likes 同埋廿個留言喎，破晒我過往 post 嘢上 FB 嘅紀錄呢!!! 

看過後真的好感恩，因為喺兩版文章裡面不但講述了我工作上嘅苦與樂外，更有頗大嘅篇幅提及我信仰上嘅心路歷程呢!!  

今晚同屋企人喺銅鑼灣食完飯，順道去咗維園睇中秋綵燈晚會，今年有條會變色嘅「金魚」做主題，不過坦白講，真係冇乜特色，唔係好靚！

唔係「賣花讚花香」，當年我喺旅發局時，為咗喺沙士之後幫手振興香港經濟出一分力，旅發局同康民處合辦咗一個大型中秋晚會，我地仲製作咗一個破紀錄嘅大燈籠，而且裡面仲可以投射介紹香港旅遊景點嘅 video 𠻹... 嗰時仲攞咗個設計大獎!!  都係嗰次深刻，靚和震憾好多！

最近喺網上緊睇咗一部關於貓貓千里尋找主人真人真事嘅短片... 超級感人....! 真係賺人熱淚呢!!

話說日本有一個孤獨小孩收養咗一隻流浪貓仔，點知俾老豆發現後不但唔俾養，仲將隻可憐貓仔送咗去好遠嘅地方，唔准小朋友再見到佢！

呢間 Follow Him 小店好特別... 面積不太大，睇落好似和其他基督教書室無乜唔同，都係賣啲福音 CD和精品等，但其實佢嘅經營手法和 business model 就好唔同喇 ...

前日我和一大班音樂事奉嘅同路人出席了一個好有意義嘅「傳奇30 Homecoming 高峰音樂會」！(另文 經典30年 )

呢30年香港嘅現代福音歌曲發展中，我都參與咗廿幾年，所以嗰晚嘅「集體回憶」唱返啲經典金曲，特別有感受....! 加上有咁正嘅六人專業大樂隊(包括我合作過嘅唱片監製 Johnny Yim and 凌乃基) 伴奏，簡直就係 Enjoy 喇！

工作忙咗一排，成日要周圍飛，終於可以再 pick up 番錄音了！昨日就同 Mimi 鄧婉玲錄我地一齊籌備嘅福音專輯其中一首合唱歌... 叫做「小黑與 Pinky」！個名係咪好特別呢!?

睇到呢兩幅相，大概都估到呢首歌係講乜㗎喇!?

轉眼間粵語福音流行音樂已經發展咗 30年了！我亦不經不覺咁參加咗呢項事奉都廿幾年了！見証和參與咗大部份嘅發展呢！

今個8月13號就有一個叫做「傳奇30 Homecoming 高峰音樂會」舉行，一起回顧呢30年嚟香港多首經典嘅粵語福音歌！而我... 同「轉捩點」身為「老前輩」都會破天荒重組一晚呢！ 

好耐冇去過歐洲了，因為怕搭長途機！今次係我喺 TSL 安排嘅 Media Tour，去我地旗艦產品 Estrella 鑽石嘅發源地 Antwerp, Belgium！ 去嘅時候真係幾辛苦㗎，十幾個鐘飛到去荷蘭 Amsterdam, 跟住再轉機去比利時首都Brussels, 然後坐車去第二大城市 Antwerp!! 

可能唔係好多香港人聽過 Antwerp 呢個地方，其實係世界鑽石之都嚟㗎，全球8成嘅原鑽石都係喺呢度交易㗎！所以呢個 Diamond Museum 點會唔嚟睇吓呢！ 

今次出差特別啲.... 唔再係國內或馬來西亞啦...

 睇到呢個「地標」估唔估到呢!

「大家呢排係咪好 Dry 呢!?」...  就係 MC 嘅呢句話開始咗今晚嘅音樂會喇！我去咗捧 TBM場，因為係佢地第二張音樂專輯嘅發佈會，大碟名為「乾旱不再」！恭喜恭喜!!!

好幾年冇去過布吉了，一直都想再去，但係身邊啲朋友個個都話海嘯後唔敢再去 wor，所以等到今年先可以真正成行！ 因為我已經去過好幾次了，咁我就要搵吓仲有冇啲乜嘢特別嘅酒店，spa 之類喇... 

經過一輪 research，我終於揀咗 Ayara Kamala Resort and Spa! Modern 泰式設計，非一般平時我地住開個鍾西式嘅resort....! 

每間房好大，仲要係 Split level 分開個廳同埋瞓覺嘅地方....酒店佢地又好有心思，例如用毛巾接咗兩隻好得意嘅大象放喺張床上面 as welcome gift... 個 washroom 好大wor...，一入房酒店就已經為我預備好一大缸鋪滿了鮮花嘅浸浴！

最鍾意就係有個臨涯嘅觀景座，俾我好悠閒咁浸住水睇書！hahaha...對我嚟講... 真係認真少有呢！