參與咗音樂事奉廿多年來了，我非常感恩神讓我有機會製作過十張音樂專輯同埋灌錄咗好多首現代福音歌曲來祝福別人，包括: 手，美麗傳奇，睡不了等等。

當然如果我能夠「自作自受」地多作啲歌俾自己唱梗係好喇，但自問又唔係啲咩咁叻又多產嘅唱作人，所以每次錄製專輯時，我都要到處搵老友幫我寫歌。好多時也很希望能跟不同嘅音樂人合作，可以擦出新火花，炮製更多驚喜俾大家聽！

喺幫手籌備音樂網站 www.1musicbox.com 時，大家都有一個信念，就係知道教會內其實有很多弟兄姊妹都好有音樂的嘅恩賜，佢地啲作品亦非常有水準，只可惜一直未搵到適當的發表渠道。所以我地就喺呢個音樂網站中加入一個新平台叫做「音樂人合作社」，好讓那些有志參與音樂事工但係又唔知點「入行」嘅基督徒音樂人上傳佢地啲歌曲上去，1Musicbox 就會將呢啲作品分給唔同嘅福音歌手試聽，而且還放上網好讓更多的 1Musicbox 會員聽得到，佢地仲可以俾意見 tim! 如果首歌反應好的話，1Musicbox 更有可能跟作曲者合作出版果首心血作品呢！

呢個「音樂人合作社」啱啱開咗幕喇！當中除了小弟有份外，仲有鄧婉玲，車頤同埋蘇如紅 tim! 而且已經有幾位弟兄姊妹 send 咗啲歌俾我地，亦上載咗個 demo version 俾大家試聽！如果你地有興趣請 Click 去「音樂人合作社」聽吓喇！最好係俾埋意見支持吓啲作曲者啦！

若然大家都鐘意呢幾隻歌嘅話，我地就會重新編曲灌錄真正嘅版本，咁你地好快就可以喺 www.1musicbox.com 聽到同下載呢啲歌㗎喇！

www.lambertchan.com