有咩可以重要過我今晚去迪士尼樂園呢？！ ....
HK Disneyland 邀請咗我今晚參加佢地的晚上 Party，本來我都諗過去玩吓「幸會士迪仔 Stitch」gei... 但係撞正今晚係我地籌備多時的 Podcasting 首次錄音，咁咪放棄咗去啦！
其實呢個 Podcasting idea 係喺一年多前，在構思我第一張個人專輯 "I am Not Alone" 時我同 Michael 想出來的 idea，因為在這大碟裏的每一首歌，都有一個背後的故事，我地希望可以藉著這新的媒介去作出更深入的分享，更「立體」咁介紹神在陳立業身上顯明的恩典和保守。而且我的音樂同分享主要對象都是那些年輕上班族，iPod or mp3 都是他們「隨身必備」指定配件啦！
經過多個月的籌備，終於今日可以「實現」這個夢想！特別多謝好拍擋 Jason 答應做呢個節目的主持人。憑着他多年來在電台/電視的傳媒經驗，使大家很快就適應和投入這次錄音，過程相當順利。
「勞苦功高」的 Sheta 亦為這次 Podcasting 放了很多努力，除付責錄音剪接等技術支援外，她更替我問 Dennis 借了這個咁靚的 studio，好少有「冇煙」又咁整齊的錄音室 ga!!
當然唔少得嘅係 Philip，佢今日返工做到六點都重立即到來幫手同支持我，認真唔話得！
嘩！ Dennis 不愧是個音樂人，個結他都「型過人」！
今晚錄咗四集，希望早日 edit 好，讓大家可以在網上或 download 去你的 iPod 處聽喇！
